అడిగినది కొంతే అయినా పొందినది ఎంతో దేవా
అడిగినది కొంతే అయినా పొందినది ఎంతో దేవా
ప్రతిగా ఏమివ్వగలనయ్యా నిను స్తుతియించే హృదయము తప్ప
నా జీవితం నీకే అంకితమయ్యా
- ఊహించలేని వివరింపజాలనినీ కార్యములు ఆశ్చర్యమే
యోచించినా నా వర్ణనకందని నీ కృపా కనికరములు అత్యున్నతమే “2”
తరతరములకు మారని నీ ఉన్నత ప్రేమా
యుగయుగములకు నీకే ఘనతా మహిమా
సతతం నిను నే కొనియాడెదను
సకలం నీ నామముకే స్తోత్రము తగును ||
- క్షణ భంగురం నా క్షయ జీవితం
కాచావయ్యా నను నీ రెక్కల నీడ
ఏ యోగ్యత లేని అల్పుడను నన్ను
హెచ్చించావయ్యా నీ ప్రేమ తోడ “2”
నా ఆశ్రయ దుర్గము నీవే యేసయ్య
నా రక్షణ శృంగము నీవే మెస్సయ్య
నా స్తుతికి పాత్రుడవు నీవేనయ్యా
ఈ స్తోత్ర కీర్తన నీకేనయ్యా ||
- మహిమోన్నతుడా నను మరువని విభుడా
ప్రణుతించెదను నిన్నే నిరతం
నిష్కలంకుడా నిర్మలాత్ముడా
ఫ్రచురించెదను నీ పావన చరితం “2”
నా అతిశయము నీవే నా యేసయ్యా
నా ఆధారము నీవే నా మెస్సయ్యా
నా ఆరాధన ఆలాపన నీకేనయ్యా
